“ამ ომის თავიდან აცილება შესაძლებელი იყო, მინდა კიდევ ერთხელ აღვნიშნო, რომ ძალიან დიდი უპასუხისმგებლობა გამოიჩინა ყოფილმა მთავარსარდალმა”

ამ ომის თავიდან აცილება შესაძლებელი იყო. ვიცი რა ის ინფორმაცია, რაც ხდებოდა და როგორც ვითარდებოდა მოვლენები, მინდა კიდევ ერთხელ აღვნიშნო, რომ ძალიან დიდი უპასუხისმგებლობა გამოიჩინა ყოფილმა მთავარსარდალმა, – ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა.

მისი თქმით, საზოგადოებამ ნახა სამარცხვინოდ მოქცეული ყოფილი მთავარსარდალი.

„იმ ფონზე, როდესაც ჩვენმა გმირმა სამხედროებმა აჩვენეს უდიდესი გმირობა, თავგანწირვა, უამრავი გმირობის მაგალითი დაუტოვეს ჩვენ ხალხს და მომავალ თაობას, ვნახეთ სამარცხვინოდ მოქცეული ყოფილი მთავარსარდალი. გახსოვთ ჰალსტუხის ღეჭვა, გახსოვთ გაქცეული, თვითმფრინავის ხმის გამო წაქცეული და მიწაზე გართხმული და ძალიან დიდი სირცხვილი ჭამა. ეს ნახა მთელმა საზოგადოებამ და არა მხოლოდ ჩვენ, საუბედუროდ მთელმა მსოფლიომ ნახა“, – აღნიშნა ირაკლი ღარიბაშვილმა.