პასუხისმგებლობა იყო და არის ხელისუფლების, ნებისმიერი ხელისუფლების. ყველაზე დიდი განსაცდელი, რაც შეიძლება ქვეყანას მოევლინოს, ეს არის ომი. ომის პარტიამ და მოღალატეთა პარტიამ, მე არ მოვერიდები ამის თქმას, რადგან მე ძალიან ბევრი რამ ვიცი, რაც ჩვენმა საზოგადოებამ არ იცის სამწუხაროდ. ვუფრთხილდები რა ჩვენი ქვეყნის ინტერესებს მე თავს ვიკავებ ამ ინფორმაციების გაჟღერებისგან, ისევ და ისევ ერთი მიზნის გამო, რომ დავიცვათ ჩვენი ქვეყნის ინტერესები, – ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებს განუცხადა.
„ბუნებრივია, რომ ეს უბედურება, ეს ტრაგედია, ეს ომი მოხდა წინა ხელისუფლების დროს. წინა ხელისუფლებამ არაფერი არ გააკეთა, რომ ეს ომი თავიდან აეცილებინა ჩვენი ხალხისთვის. შედეგად რა მივიღეთ? 20% დღეს არის ოკუპირებული. რუსული ჯარი ჩვენი ქვეყნის ტერიტორიიდან გავიდა 2007 წელს. ბოლო კონტინგენტი რუსული ჯარის გავიდა ქვეყნის ტერიტორიიდან 2007 წელს. ვინ გავაკრიტიკო და ვინ დავგმო თუ არა სამარცვინო მტრული ძალა, რომელიც მართავდა ჩვენს ქვეყანას, როცა რამდენიმე თვის შემდეგ, მათი უგუნური პოლიტიკის შედეგად შემოაბრუნა კიდევ უფრო მეტი მასშტაბით. ჩვენმა გმირმა სამხედროებმა, მაშინდელი სამხედრო მმართველობა ვინც იყო, მე არ ვგულისხმობ რა თქმა უნდა გენშტაბის მეთაურს, იგი არის პოლიტიკურად ანგაჟირებული და მე მასზე არ ვსაუბრობ, მაგრამ სამხედრო მმართველობა, ეს გმირი ოფიცრები, მათ იბრძოლეს თავდადებით, აჩვენეს გმირობის მაგალითი. სამწუხაროდ, პოლიტიკურმა ხელმძღვანელობამ ჩაიდინა ომის დაწყების მომენტიდან, პირველივე წუთიდან, საშინელი ღალატი“, – განაცხადა პრემიერ-მინისტრმა.