მოსკოვოს ოლქში, ქალაქ სერგიევ პოსადში, ზაგორსკის ოპტიკურ-მექანიკურ ქარხანაში აფეთქება მოხდა. ამის შესახებ ინფრომაციას რუსული მედია ავრცელებს. საგანგებო სამსახურების ცნობით, დაშავებულია 16 ადამიანი. აფეთქების შედეგად საწარმოს მიმდებარე სახლებში მინები ჩაიმსხვრა. ქარხნის ტერტორაზე ყველა ნაგებობიდან ევაკუაცია გამოცხადდა.
არსებული ინფორმაციით, აფეთქება პიროტექნიკის შემნახველ საწყობში მოხდა. საგანგებო სამსახურებში ქარხანაზე უპილოტო საფრენი აპარატით დარტყმის ვერსიას უარყოფენ.
ზაგორსკის ოპტიკურ-მექანიკური ქარხანა რუსეთის ძალოვანი სტრუქტურებისთვის ოპტიკური და ოპტიკურ-ელექტრონული მოწყობილობების წამყვანი მწარმოებელია.
კომენტარები