ბორჯომში, რუსთაველის ქუჩაზე, სანაპიროზე სკვერის მოწყობა დასრულდა, – ამის შესახებ ინფორმაციას ბორჯომის მუნიციპალიტეტის მერია ავრცელებს.
მათივე ინფორმაციით, პროექტის მიხედვით, ტერიტორიაზე მოეწყო საყრდენი კედელი, შიდა ბილიკები, განთავსდა საბავშვო ატრაქციონები, ფიტნეს-ტრენაჟორები, ფანჩატური, დეკორატიული საბაღე სკამები, სანაგვე ურნები, დამონტაჟდა დეკორატიული ლამპიონები და განხორციელდა გამწვანების სამუშაოები.
პროექტი ორ ეტაპად განხორციელდა და მისი საერთო ღირებულება 846 155 ლარს შეადგენს.
განახლებული სკვერი ბორჯომის მუნიციპალიტეტის მერმა ოთარ არბოლიშვილმა და მერის მოადგილემ გიორგი ტაბატაძემ დაათვალიერეს.
კომენტარები