დღე არ გადის, რომ რუსულმა ბოროტებამ არ მიიღოს ჩვენი სრულიად სამართლიანი პასუხი. ყველა განადგურებული ოკუპანტი, დამწვარი რუსული ტექნიკა, ცეცხლი მათ შტაბსა და საწყობებში, ქერჩის ხიდზე გაჩენილი კვამლი და სხვა – ყველაფერი მოწმობს, რომ რუსეთის არცერთ დანაშაულს უპასუხოდ არ დავტოვებთ, – ამის შესახებ უკრაინის პრეზიდენტმა, ვოლოდიმირ ზელენსკიმ ტრადიციულ ვიდეომიმართვაში განაცხადა.
„ჩვენ ყოველთვის გვაქვს საბაბი ჩვენი მეომრებისთვის მადლობის გადასახდელად. უკრაინა უახლოვდება სამართლიანობას, უახლოვდება გამარჯვებას, რუსი მკვლელები კი ჩვენს მიწაზე უახლოვდებიან განადგურებას. მხოლოდ ამ გზით შეგვიძლია შევქმნათ პირობები, რათა მთელი უკრაინა კვლავ გახდეს თავისუფალი და უსაფრთხო. რუსმა ტერორისტებმა მხოლოდ ერთი რამ უნდა იგრძნონ: ისინი განადგურდებიან“, – განაცხადა ზელენსკიმ.