კანადაში, ტყეში მასშტაბური ხანძრების გამო 20 000 ადამიანის ევაკუაცია მიმდინარეობს. ინფორმაციას „ბიბისი“ ავრცელებს.
ქვეყნის ჩრდილოეთ ნაწილში მდებარე უმსხვილესი ქალაქის მცხოვრებლების ევაკუაცია მას შემდეგ გახდა საჭირო, რაც ცეცხლი დასახლებას 17 კილომეტრის მანძილზემიუახლოვდა.
გავრცელებული ცნობების მიხედვით, ხანძრები კიდევ ერთ ქალაქს, ჰეი რივერის მოსახლეობასაც ემუქრება, საიდანაც 3 000 ადამიანი უკვე გაიყვანეს.
ქვეყნის ისტორიაში ყველაზე მასშტაბურ ევაკუაციას კანადის არმია ატარებს. მოქალაქეების უდიდესი ნაწილი ალბერტასპროვინციაში გადაჰყავთ. ჯერ უცნობია, როდის შეძლებენ ევაკუირებულები სახლებში დაბრუნებას.
კანადის ჩრდილო-დასავლეთ ნაწილში საგანგებო მდგომარეობის რეჟიმი 15 აგვისტოდან ამოქმედდა. ამჟამად რეგიონში ცეცხლის 200-ზე მეტი კერაა.
სტიქიის გამო რეგიონში არ მუშაობს ინტერნეტიდა სატელეფონო კავშირი შეფერხებულია.