უკრაინა კონტრშეტევებში კასეტური ბომბების გამოყენებით წინ მიიწევს. უკრაინელმა სამხედროებმა ქალაქ მარიუპოლის მიმართულებით მცირე წარმატებას მიაღწიეს და სოფელი უროჟაინოე გაათავისუფლეს. პარალელურად, რუსული მედია ავრცელებს ინფორმაციას, რომ უკრაინის შეიარაღებული ძალები დონეცკის მიმართულებით კასეტური ტიპის საბრძოლო მასალებს იყენებენ.
ამ ტიპის იარაღი უკრაინას ამერიკის შეერთებულმა შტატებმა მიაწოდა, რასაც საერთაშორისო საზოგადოების შეშფოთება მოჰყვა. კასეტური ტიპის საბრძოლო მასალები მსოფლიოს 100-ზე მეტ ქვეყანაშია აკრძალული, რადგან მშვიდობიანი მოსახლეობისთვის საფრთხის შემცველია, თუმცა ამერიკის არმია ირწმუნება, რომ იარაღის ის მოდელები, რომლებიც უკრაინას გაუგზავნა, გაუმჯობესებულია ვერსიაა და ნაკლები რისკის შემცველია.
კომენტარები