ესპანეთის მეფემ, ფელიპე VI-მ კონსერვატიული „სახალხო პარტიის“ ლიდერს, ალბერტო ნუნიეს ფეიხოოს ახალი მთავრობის ჩამოყალიბება დაავალა. ამის შესახებ გამოცემა Politico წერს.
„სახალხო პარტიამ“ საპარლამენტო არჩევნებში პირველი ადგილი დაიკავა, თუმცა, ულტრამემარჯვენე პარტია Vox-ის მხარდაჭერითაც კი, ფეიხოოს პარტიას საჭირო რაოდენობის საპარლამენტო მანდატი არ აქვს.
პრემიერ-მინისტრის თანამდებობაზე დარჩენის საუკეთესო შანსები აქვს სოციალისტ პედრო სანჩესს, რომელიც თავის მემარცხენე მოკავშირეებთან ერთად 350-დან 171 საპარლამენტო მანდატს აკონტროლებს, რაც იმას ნიშნავს, რომ უმრავლესობის ჩამოსაყალიბებლად მას კატალონიური სეპარატისტული პარტია Junts-ის რამდენიმე დეპუტატის მხარდაჭერა დასჭირდება.
კომენტარები