უკრაინის პრეზიდენტმა, ვოლოდიმირ ზელენსკიმ განაცხადა, რომ აშშ-ის საპრეზიდენტო არჩევნებმა შესაძლოა გავლენა მოახდინოს უკრაინის მიმართ აშშ-ის მხარდაჭერაზე, თუმცა აღნიშნა, რომ უკრაინა ყველაფერს გააკეთებს იმისათვის, რომ არჩევნების შედეგების მიუხედავად, შეერთებული შტატების დახმარება არ შემცირდეს.
„რა თქმა უნდა, ძალიან რთული წელი გექნებათ [ამერიკელებს]. ელექტორალური შეჯიბრის წელი, არჩევნების წელი. ეს აუცილებლად აისახება უკრაინის მხარდაჭერაზე. რა თქმა უნდა, ამან შეიძლება გავლენა მოახდინოს როგორც დადებითად, ასევე უარყოფითად. ჩვენ ყველაფერს გავაკეთებთ იმისთვის, რომ შეერთებული შტატების მხარდაჭერა არ შემცირდეს. მთელ ჩვენს დროს, ენერგიას ვიყენებთ იმისთვის, რომ მუდმივად ვიმუშაოთ შეერთებულ შტატებთან“, – აღნიშნა ზელენსკიმ „ყირიმის პლატფორმის“ სამიტზე სიტყვით გამოსვლისას.