ლაშა გეგეჭკორი სოციალურ ქსელში პოსტს აქვეყნებს.
“2004 წლის 24 ნოემბერს, “ვარდების რევოლუციის” წლისთავზე, თბილისში, დიდუბეში პატრულმა მანქანა გააჩერა, სადაც რამდენიმე ახალგაზრდა, მათ შორის ბუტა რობაქიძეც იჯდა.
პოლიციის მოთხოვნის საფუძველზე ახალგაზრდები მანქანიდან გადმოვიდნენ, პატრულის თანამშრომელმა ბაშალეიშვილმა ორჯერ გაისროლა და ბუტა რობაქიძე მოკლა.
მეორე დღეს, ტვ “რუსთავი 2”-ის ეთერით, შსს-ს პრესსამსახურის უფროსმა გურამ დონაძემ გაავრცელა ინფორმაცია, თითქოს პოლიციამ შეიარაღებული ჯგუფის დევნის ოპერაცია განახორციელა და წინააღმდეგობის გაწევის მომენტში ერთ-ერთი დამნაშავე მოკლა. ამ ვერსიის გასამყარებლად გადაცემაში აჩვენეს ავტომატები, რომლებიც პოლიციამ მანქანიდან ამოიღო.
წლების შემდეგ იარაღის ჩადება აღიარეს გურამ დონაძემ და საპატრულო პოლიციის თბილისის მთავარი სამმართველოს ყოფილმა უფროსმა ზურაბ მიქაძემ.მათ ასევე აღიარეს რომ მოქმედებდნენ შს მაშინდელი მინისტრის,ირაკლი ოქრუაშვილის დავალებით.
არაფერი შეცვლილა, ამ სისტემის წარმომადგენლებმა ზღულაძემ და დეკანოიძემ ჩაატარა პოლიციის რეფორმა უკრაინაში. ეს მეთოდი კარგად დამუშავებული აქვთ,
ამიტომ ყველაფერს გააკეთებენ რომ გამტყუნდეს უიარაღო ადამიანი, რომელიც მეუღლის და ორი არასრულწლოვანი შვილის თვალწინ ზურგში გასროლით მოკლეს. ამ ყველაფერს კი კურირებას გაუწევს ზურაბ ადეიშვილი…
მოკლეს ადამიანი,რომელიც თავისი ოჯახის ღირსებას იცავდა.შეიძლება გადაამეტა,მაგრამ უიარაღოდ!
ნახეთ,ვინ ამართლებს უკრაინის პოლიციის ამ დანაშაულს.იმ სისტემის-ნაციონალური მოძრაობის მხარდამჭერები!”