მსოფლიო ჩემპიონატის მეორე ჯგუფურ ეტაპზე საქართველოს საკალათბურთო ნაკრები ავსტრალიასთან ანგარიშით – 84:100 დამარცხდა. ამით საქართველოს საკალათბურთო ნაკრებმა ტურნირზე გამოსვლა დაასრულა.
ავსტრალიელებმა ჯგუფში თავის უშუალო კონკურენტებთან შეხვედრები წააგეს და პლეი ოფში სლოვენია და გერმანია გავიდნენ. საქართველოსა და ავსტრალიას შორის დაპირისპირებას უნდა გამოევლინა ჯგუფში რომელი გუნდი დაიკავებდა მესამე ადგილს.
საქართველოს კალათბურთის ფედერაციის განცხადებით, ეს ისტორიული ეტაპი – ქართული კალათბურთის ახალი გვერდი იყო.
„მსოფლიოს საკვალიფიკაციო ეტაპის პირველი თამაშიდან პირველ მსოფლიოზე საოცარი გზა გავიარეთ, რომელიც სავსე იყო დაუვიწყარი მოგონებებით, ემოციებით! თქვენ უდიდესი იმედი მოგვეცით და დიდი ბედნიერება მოგვანიჭეთ. ეს ისტორიული ეტაპი იყო – ქართული კალათბურთის ახალი გვერდი! მადლობა! წინ ახალი დაუწერელი ისტორია გველის!“, – წერია საქართველოს კალათბურთის ფედერაციის Facebook-გვერდზე გამოქვეყნებულ პოსტში.