საერთაშორისო კოსმოსურ სადგურზე 6-თვიანი მისიის შემდეგ 4 ასტრონავტი დედამიწაზე SpaceX-ის კაფსულით Crew Dragon დაბრუნდა. ამის შესახებ CNN-ი იტყობინება.
ტელეარხის ცნობით, მისიის Crew-6 წევრები – სტივენ ბოუენი, უპრენ ჰობურგი, სულტან ალნეიადი და ანდრეი ფედიაევი აშშ-ის ტერიტორიაზე, ფლორიდაზე დაეშვნენ. ჯგუფმა დედამიწის ორბიტაზე 200-ზე მეტი ექსპერიმენტი ჩაატარა, ბოლო კვირების განმავლობაში კი მისია Crew-7-ის წევრებთან ერთად მუშაობდა, რომელიც საერთაშორისო კოსმოსურ სადგურზე 27 აგვისტოს ჩაფრინდნენ.
„ჩვენი მისიის ფარგლებში ბევრი რამ გავაკეთეთ. ეს დიდი და სახალისო თავგადასავალი იყო“, – განაცხადა ჰობურგმა.
კომენტარები