საქართველოს პარლამენტში საშემოდგომო სესიის დაწყებამდე შოვში დაღუპულთა ხსოვნას პატივი წუთიერი დუმილით მიაგეს.
პარლამენტის თავმჯდომარის, შალვა პაპუაშვილის განცხადებით, ქვეყანას 3 აგვისტოს უდიდესი ტრაგედია დაატყდა თავს.
“ჩვენს ქვეყანას მიმდინარე წლის 3 აგვისტოს დიდი ტრაგედია დაატყდა თავს. ჩვენთვის ყველაზე საყვარელ და სამოთხესთან გაიგივებულ კუთხეში მოხდა უდიდესი სტიქია, რომელმაც ჩვენი თანამოქალაქეების სიცოცხლე წაიღო, მათ შორის ბავშვების და ქალების. მინდა, კიდევ ერთხელ მივუსამძიმრო დაღუპულების ოჯახებს , აქ სიტყვები ალბათ ზედმეტია“, – განაცხადა პაპუაშვილმა.
შოვში 3 აგვისტოს მეწყერი ჩამოწვა. სტიქიის ზონაში 31 დაღუპულის ცხედარი იპოვეს, ორ მოქალაქეს ამ დრომდე ეძებენ.
კომენტარები