იმპიჩმენტის დასაბუთება ძალიან ცხადი და მკაფიოა – დაირღვა კონსტიტუციური პრინციპი პრეზიდენტსა და მთავრობას შორის, საგარეო აქტივობის შეთანხმებასთან დაკავშირებით და ბუნებრივია, ამას სჭირდება როგორც სამართლებრივი, ისევე პოლიტიკური რეაგირება, – ამის შესახებ საქართველოს პარლამენტის ვიცე-სპიკერმა, არჩილ თალაკვაძემ განაცხადა.
მისივე თქმით, იმპიჩმენტი არის დემოკრატიის ნაწილი, მათ შორის, იმ ქვეყნებშიც, რომლებიც ჩვენთვის სამაგალითოა დემოკრატიის თვალსაზრისით.
„ნაციონალური მოძრაობა” პოლიტიკური ვაჭრობის პარტიად გადაიქცა – ეს არის ის უთავმოყვარეო რადიკალური ოპოზიცია, რომელიც პრეზიდენტს უკანონოდ არჩეულად მოიხსენიებდა, უმძიმეს პიროვნულ შეურაცხყოფას აყენებდა და რამდენიმე თვეში ეხვეწებოდა შეწყალების გამოცემას და ახლა ევროპული კურსის საუკეთესო დამცველადაც მოიხსენიებს“, – განაცხადა თალაკვაძემ.