ბალტიის ზღვაში ნატო-ს წევრი ქვეყნების მასშტაბური სამხედრო-საზღვაო წვრთნები დაიწყო, – ამის შესახებ ERR იუწყება.
მედიის ცნობით, წვრთნები დაიწყო ლატვიისა და ესტონეთის სანაპიროებთან.
საზღვაო მანევრების ამოცანაა რუსეთის სავარაუდო თავდასხმაზე ნატო-ს ძალების საპასუხო რეაქციის დამუშავება. საზღვაო მანევრებში დაახლოებით 30 ხომალდი და 3 000-მდე სამხედრო მოსამსახურე მონაწილეობს, მათ შორის შვედეთი, კანადა, აშშ, ბელგია და საფრანგეთი.
გერმანელმა ვიცე-ადმირალმა, იან კრისტიან კააკმა აღნიშნა, რომ მტრის შეკავება მოითხოვს როგორც თავდაცვითი, ასევე შეტევითი შესაძლებლობების არსებობას.
„ჩვენ რუსეთს სიფხიზლის მკაფიო სიგნალს ვუგზავნით“, – განაცხადა კააკმა.
ამასთან, ვიცე-ადმირალმა აღნიშნა, რომ ეს არის ამ მასშტაბის პირველი წვრთნა, რომელსაც ხელმძღვანელობს ბალტიის ზღვაში უმსხვილესი საზღვაო ფორმირება.