“ ვისაც გურიაში სახლი დაენგრა, ან ვისი სახლიც გამოუსადეგარი გახდება, ყველა ამ ოჯახის განსახლება მოხდება და მათ ახალ სახლს ჩვენ შევუძენთ, ან თანხას გადავცემთ და თავად შეიძენენ”

ყველა მოქალაქის, ვისი სახლიც დაინგრა, ან ვისი სახლიც გამოუსადეგარი გახდება, ყველა ამ ოჯახის განსახლება მოხდება და ამ ოჯახებს მიეცემათ ახალი სახლი, – ამის შესახებ პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

„გურიაში ჩვენს ბევრ თანამოქალაქეს დაუზიანდა სახლები, ბევრს დაენგრა, იმ სახლებში ცხოვრება არ შეიძლება. ჩვენ ამ საკითხზე გვქონდა მსჯელობა ეკონომიკურ საბჭოზე და მივიღეთ გადაწყვეტილება, რომ ყველა მოქალაქე, ვისი სახლიც დაინგრა, ან ვისი სახლიც გამოუსადეგარი გახდება, ყველა ამ ოჯახის განსახლება მოხდება და ამ ოჯახებს მიეცემათ ახალი სახლი, ჩვენ შევუძენთ, ავაშენებთ, ან თანხას გადავცემთ და თავად შეიძენენ. ესეც მინდოდა მეთქვა ჩვენი გურულებისთვის, რომ სანერვიულო არ აქვთ, ჩვენ ყველაფერში დავეხმარებით და მათ პრობლემებს მოვაგვარებთ“, – აღნიშნა პრემიერმა.