მაინტერესებს, რატომ დაატარებენ მთელს მსოფლიოში „ხალხის ძალის“ მიერ დაინიცირებულ კანონპროექტს? ახლა უკრაინა იღებს, ჩვენ დავაინიცირეთ და კანადა იღებს, იღებენ ევროპარლამენტშიც, შესაბამისად კარგად მოქმედებს აშშ-ში, – ამის შესახებ „ხალხის ძალის“ ერთ-ერთმა ლიდერმა, გურამ მაჭარაშვილმა განაცხადა.
„ამიტომ ახლა საზოგადოებასაც აინტერესებს, რანაირად ხდება ისე, რომ ეს კანონპროექტი, რომელიც ჩვენ დავაინიცირეთ არის ფინანსური გამჭვირვალობისთვის კარგი უცხოეთში და არ ვარგა საქართველოში. მე მივაგენი პასუხს: თურმე, ეს კანონპროექტი ყოფილა მოჯადოებული და უცხოეთში არის დემოკრატიული და საჭირო და როგორც კი გადმოკვეთავს საქართველოს, ხდება რუსული. მართალია ჩვენ არასწორი ზეწოლით ეს კანონი ვერ მივიღეთ, მაგრამ კარგად მუშაობს და რაც ყველაზე მთავარია სიმართლე იმარჯვებს და ყველა ხვდება რომ ეს კანონპროექტ მოქალაქეებისთვის საჭირო ყოფილა“, – აღნიშნა მაჭარაშვილმა.