ოპოზიციას, რომელმაც ამ კანონს რუსული უწოდა, თუ ისინი თავის თავთან მართლები არიან, მოვუწოდებ, რომ გამოვიდნენ და დაგმონ უკრაინაში ამ კანონის მიღება, – ამის შესახებ პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ განაცხადა.
„არ მაინტერესებს არახამია რას დააინიცირებს, ეს ადამიანი ჩემთვის მიუღებელია, ამიტომ მასზე კომენტარის გაკეთება საერთოდ არ მინდა. მაგრამ, მე მინდა კომენტარი გავაკეთო ჩვენს ოპოზიციაზე, რომლებმაც სახე დაიხოკეს პარლამენტში, რომლებმაც ამ კანონს რუსული უწოდეს. თუ ისინი თავის თავთან მართლები არიან, მე მინდა მათ მოვუწოდო, რომ გამოვიდნენ, უბრალოდ განცხადება გააკეთონ და დაგმონ ამ კანონის მიღება უკრაინაში“, – აღნიშნა სამხარაძემ.
კომენტარები