„ჰამასის“ მთავარი ოპერაციული ბაზა ღაზაში, შიფას საავადმყოფოს ქვეშ მდებარეობს, – ამის შესახებ ისრაელის თავდაცვის ძალების სპიკერმა, დანიელ ჰაგარიმ განაცხადა.
მისივე თქმით, „ჰამასს“ ღაზის სექტორის ყველაზე მსხვილი სამედიცინო დაწესებულების, შიფას საავადმყოფოს ქვეშ რამდენიმე მიწისქვეშა კომპლექსი აქვს მოწყობილი და ისრაელის წინააღმდეგ თავდასხმები სწორედ იქიდან იმართება.
დანიელ ჰაგარის განცხადებით, ისრაელის მიერ მოპოვებული სადაზვერვო ინფორმაციით დგინდება, რომ „ჰამასს“ საავადმყოფომდე მიწისქვეშა გვირაბები აქვს გაყვანილი, ასე რომ მის ლიდერებს ბაზაზე მოსახვედრად საავადმყოფოში შესვლა არ სჭირდებათ.
მან ასევე აღნიშნა, რომ „ჰამასის“ ოპერაციული ბაზის ფუნქციონირებისთვის საავადმყოფოს ენერგოინფრასტრუქტურა გამოიყენება.
კომენტარები