ევროკავშირის უმაღლესი წარმომადგენლის, ჯოზეფ ბორელის თქმით, საომარი მოქმედებების შეჩერება ღაზის სექტორში სასწრაფოდ საჭიროა, რათა ჰუმანიტარულ დახმარებაზე წვდომა შესაძლებელი გახდეს.
„ღაზა სრულად ჩაბნელებულია და იზოლაციაშია მძიმე დაბომბვების პარალელურად. გაერო-ს პალესტინელი დევნილების დახმარების სააგენტო გვაფრთხილებს ელექტროენერგიის, საკვებისა და წყლის გარეშე დარჩენილი ღაზას ხალხის სასოწარკვეთილ მდგომარეობის შესახებ. ძალიან ბევრი მშვიდობიანი მოქალაქე, მათ შორის ბავშვები, დაიღუპნენ”, – წერს ბორელი ტვიტერის საკუთარ გვერდზე.
ამასთან, ევროკავშირის უმაღლესი წარმომადგენელი აღნიშნავს, რომ აღნიშნული ქმედებები ეწინააღმდეგება საერთაშორისო ჰუმანიტარულ სამართალს.
„ჩვენ ვგმობთ ყველა თავდასხმას მშვიდობიანი მოსახლეობის წინააღმდეგ, მათ შორის ისრაელის წინააღმდეგ განურჩეველი სარაკეტო თავდასხმების გაგრძელებას და ვითხოვთ ყველა მძევლის დაუყოვნებლივ და უპირობო გათავისუფლებას“, – დასძინა ბორელმა.