ისრაელის თავდაცვის ძალების პრესსპიკერმა დანიელ ჰაგარი თელ-ავივში ბრიფინგი გამართა. ამის შესახებ BBC წერს.
გამოცემის ინფორმაციით, ჰაგარიმ განაცხადა, რომ კვირას ღაზის სექტორის დაბომბვის შედეგად ისრაელის არმიამ კვირას ათობით ტერორისტი გაანადგურა. მისი განცხადებით, საუბარია „ჰამასის“ მეთაურებზე, რომლებიც მებრძოლების ხმელეთზე გადაადგილებას უწევდნენ კოორდინაციას.
ჰაგარის თქმით, ისრაელი სექტორს მასიურად ბომბავს, რათა უზრუნველყოს ხმელეთზე თავისი ძალების უსაფრთხოება და გაანადგუროს ტერორისტების ინფრასტრუქტურა.
„სახმელეთო კამპანია ძალიან რთულია. ყველაფერს გავაკეთებთ ჩვენი სამხედროების უსაფრთხოების უზრუნველსაყოფად“, – განაცხადა ჰაგარიმ.
მან ასევე „ჰამასი“ სამხედრო დანაშაულების ჩადენაში დაადანაშაულა და აღნიშნა, რომ ტერორისტები პალესტინელებს „ცინიკურად იყენებენ“.