ისრაელის თავდაცვის ძალების ინფორმაციით, ღაზის სექტორის ჩრდილოეთ ნაწილში მიმდინარე ბრძოლებს ვიცე-პოლკოვნიკი სალმან ჰაბაკა ემსხვერპლა.
33 წლის სალმან ჰაბაკა 188-ე ჯავშანსატანკო ბრიგადის 53-ე ბატალიონის მეთაური იყო. მისი გარდაცვალების შესახებ სხვა დეტალები უცნობია.
გარდა ამისა, „ცაჰალის“ ცნობით, სხვადასხვა ლოკაციაზე დაიჭრა კიდევ 2 ჯარისკაცი და ერთი რეზერვისტი.
საერთო ჯამში, ომის დაწყებიდან ისრაელის ჯარის დანაკარგების რიცხვმა 333-ს, ხოლო სახმელეთო ოპერაციის დაწყების შემდეგ – 18-ს მიაღწია.
კომენტარები