სამხრეთ კორეის არმიის წარმომადგენლის განცხადებით, ჩრდილოეთ კორეამ რუსეთს, სავარაუდოდ, რამდენიმე ტიპის რაკეტები მიაწოდა. ინფორმაციას ამის შესახებ სააგენტო The Associated Press-ი ავრცელებს.
სამხრეთ კორეის შეიარაღებულ ძალებში აცხადებენ, რომ არსებობს ეჭვი, რომ ჩრდილოეთ კორეამ რუსეთს გაუგზავნა დაუზუსტებელი რაოდენობის მცირე რადიუსის მოქმედების ბალისტიკური რაკეტები, ტანკსაწინააღმდეგო რაკეტები და პორტატული საზენიტო რაკეტები.
1-ელ ნოემბერს, სამხრეთ კორეის ეროვნული დაზვერვის სამსახურმა განაცხადა, რომ აგვისტოს დასაწყისიდან ჩრდილოეთ კორეამ რუსეთს მილიონზე მეტი საარტილერიო ჭურვი მიაწოდა.
სეულში ასევე აცხადებენ, რომ აგვისტოს შემდეგ, ჩრდილოეთ კორეიდან რუსეთში იარაღის დაახლოებით 10 პარტია გაიგზავნა, ასევე სამხედრო მრჩევლები საბრძოლო მასალის გამოყენებასთან დაკავშირებით.