უკრაინის საგარეო საქმეთა მინისტრმა, დმიტრო კულებამ ევროკავშირს მოუწოდა, იპოვოს ბალანსი ევროკავშირის რეფორმირების პროცესსა და გაფართოების გაგრძელებას შორის, რათა ევროკავშირის რეფორმამ არ შეანელოს ახალი სახელმწიფოების გაწევრიანება.
“ჩვენი მთავარი პოზიცია, რომელიც კიევიდან ჩამოვიტანე, შემდეგია: ევროკავშირის რეფორმირებამ გაფართოების პროცესი მძევლად არ უნდა აიყვანოს. ჩვენ უნდა ვიპოვოთ სწორი ბალანსი ევროკავშირის რეფორმირების პროცესსა და გაფართოებას შორის. არ მგონია, რომ ევროკავშირს გაჭიანურებული რეფორმის გატარების ფუფუნება აქვს”, – აღნიშნა უკრაინის საგარეო უწყების ხელმძღვანელმა.
მინისტრმა განმარტა, რომ უკრაინას შეუძლია რეფორმების გატარება გაწევრიანების კრიტერიუმების დასაკმაყოფილებლად უფრო სწრაფად, ვიდრე ევროკავშირი შიდა რეფორმებს განახორციელებს.
კომენტარები