ისრაელი ღაზის სექტორს ისევ ბომბავს. საჰაერო დარტყმები „ჰამასის“ ობიექტებსა და ინფრასტრუქტურაზე ხორციელდება. პარალელურად, ისრაელი ანკლავის ჩრდილოეთ ნაწილში, სახმელეთო ოპერაციას განაგრძობს.
არმიის პრესსპიკერის დანიელ ჰაგარის ცნობით, ქალაქი ღაზა ამ დროისათვის მთლიანად ალყაშია მოქცეული. ვრცელდება ინფორმაცია კიდევ ერთი ებრაელი სამხედროს, 20 წლის იეონათან მაიმონის დაღუპვის შესახებ.
სახმელეთო ოპერაციის დაწყებიდან დღემდე, ღაზის სექტორში შეტაკებებს 29 ებრაელი ჯარისკაცი ემსხვერპლა, 7 ოქტომბრის თავდასხმიდან დღემდე დაღუპული ისრაელელი სამხედროების რიცხვი კი 346-ს აღწევს.
კომენტარები