ტაილანდის პრემიერ-მინისტრი სრეტა ტავისინი აცხადებს, რომ „ჰამასის“ მიერ მძევლად აყვანილი 23 ტაილანდელი უსაფრთხოდაა და ძალიან მალე გათავისუფლდება. ამის შესახებ ადგილობრივი The Nation-ი იტყობინება.
მისივე თქმით, მძევლების გასათავისუფლებლად ცეცხლის შეწყვეტაა საჭირო.
მან ასევე განაცხადა, რომ მძევლების გათავისუფლების საკითხზე ქვეყანა მალაიზიის შუამავლობით „ჰამასთან“ მოლაპარაკებებს მართავს. ტაილანდის მხრიდან მოლაპარაკებებში შეიარაღებული ძალების მთავარსარდალია ჩართული.
სარაკეტო დარტყმა ისრაელზე 7 ოქტომბერს, ადგილობრივი დროით 06:30 საათზე განხორციელდა. მომხდარზე პასუხისმგებლობა ტერორისტულმა ორგანიზაცია „ჰამასმა“ აიღო. ორგანიზაციაში ისრაელის წინააღმდეგ ახალი სამხედრო ოპერაციის დაწყების შესახებ განაცხადეს. ისრაელის თავდაცვის ძალებმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე იერიში დაიწყო