საპარლამენტო უმრავლესობის წევრის, მიხეილ სარჯველაძის განცხადებით, ოპოზიცია ცდილობს, ქვეყანას ხელი შეუშალოს წინსვლაში, რათა ამით ხელისუფლების რეპუტაცია დააზიანოს.
“ეს ხალხი ქვეყნის ინტერესებზე მაღლა თავის პარტიულ ინტერესს აყენებს, რათა, რაც შეიძლება მალე, ხელი შეუშალოს ქვეყანას წინსვლაში. ამას იმისთვის აკეთებენ, რომ ხელისუფლების რეპუტაცია დააზიანონ და მხოლოდ ამ გზით შეძლონ პოლიტიკურ პროცესში გამარჯვება.
ადრე თუ გვიან, რა თქმა უნდა, ყველა მიხვდებოდა, რომ საქართველოს ნამდვილად არაფერი დაეწუნება სხვა კანდიდატ სახელმწიფოებთან შედარებით. ყველა მაჩვენებლით, თუკი ვინმე იმსახურებს კანდიდატის სტატუსს, დიახ, ერთ-ერთი პირველია საქართველო,” – აცხადებს მიხეილ სარჯველაძე.
კომენტარები