დეპუტატი დავით ზილფიმიანი საგარეო კომიტეტის დღევანდელ სხდომაზე კირბალში მომხდარ ტრაგედიას გამოეხმაურა და ოკუპანტების მიერ, მოკლული თამაზ გინტურის ოჯახს მიუსამძიმრა.
„ნამდვილად ამაზრზზენი ფაქტი მოხდა კირბალში. ჩემი აზრით, როგორც ოსეთის, ისე რუსეთის ხელმძღვანელობამ აუცილებლად უნდა მიუსამძიმროს გარდაცვლილის ოჯახს და საქართველოს.
ეს თუ არ მოხდა, თვეების შემდეგ გამოძიებული ვიღაც კაპიტან ივანოვის ან ეფრეიტორ პეტროვის დანაშაული არაფრის მომტანი არ იქნება.
ჩვენ ისიც არ ვიცით, როგორ მოხდება გამოძიება მათ ტერიტორიაზე“ – განაცხადა ზილფიმიანმა.
შეგახსენებთ, ოკუპანტებმა გუშინ კირბალთან საქართველოს მოქალაქეს თამაზ გინტურს ცეცხლი გაუხსნეს და მოკლეს.
კომენტარები