„სიენენის“ მიერ ჩატარებული ახალი კვლევის მიხედვით, აშშ-ის ყოფილი პრეზიდენტი დონალდ ტრამპი მოქმედ პრეზიდენტ ჯო ბაიდენს რეიტინგში უსწრებს.
გამოკითხვის თანახმად, კვლევაში მონაწილეთა მხოლოდ 28% მიიჩნევს, რომ აშშ-ში საქმე კარგად მიდის. რეგისტრირებულ ამომრჩევლებს შორის ჩატარებული გამოკითხვით, ტრამპის რეიტინგი 49%-ს აღწევს, ბაიდენის კი 45%-ს შეადგენს. აღსანიშნავია, რომ აგვისტოსთან შედარებით, ტრამპის უპირატესობა გაზრდილია.
კითხვაზე, აქვს თუ არა ჯო ბაიდენს გამძლეობა და საზრიანობა, პრეზიდენტის მოვალეობა შეასრულოს, დადებითი პასუხი მხოლოდ 25-მა პროცენტმა გასცა. ტრამპმა ამ კატეგორიაში გაცილებით უკეთესი შედეგი – 53 პროცენტი აჩვენა. ამავე კვლევის მიხედვით, 35 წლამდე ამომრჩევლებს შორის 48% მხარს უჭერს დონალდ ტრამპს, ხოლო 47% ჯო ბაიდენს.
ცნობისთვის, „ნიუ იორკ თაიმსის“ მიერ ჩატარებული კვლების მიხედვით, აშშ-ის მოქმედი პრეზიდენტი ჯო ბაიდენი ამჟამად თავის მთავარ კონკურენტს ექვსი მერყევი შტატიდან ხუთში უსწრებს.