“ნაციონალურ მოძრაობაში” დაპირისპირება გრძელდება. ამჯერად უთანხმოების მიზეზი მიხეილ სააკაშვილის პოსტია: “ვთავაზობ “ნაციონალური მოძრაობის” ყველა წევრს და მხარდამჭერს, შევქმნათ მანიფესტი – თუკი ვინმე არ მოისურვებს შეთანხმებაზე ხელის მოწერას, ის ავტომატურად დაიყენებს თავს პარტიის გარეთ და სხვა გზით მოუხდება წასვლა,” – წერს სააკაშვილი.
მანამდე კი ყოფილმა პრეზიდენტმა ნიკა მელიას შესახებ დაწერილი პოსტი სოციალური ქსელიდან წაშალა. მიხეილ სააკაშვილის წაშლილ პოსტში ყოფილი თავმჯდომარის დამსახურებებსა და შესაძლებლობებზე იყო საუბარი.
ნიკა მელიას თანამებრძოლები ამ ფაქტს სააკაშვილის მიმართ შანტაჟად აფასებენ.
“პატიმარი ადამიანის შანტაჟი, აბსოლუტურად გაუგონარია. ოღონდ თან ვისი?! – ვისი სახელითაც მოვიდნენ პარტიაში. კეზერაშვილის გარეშე ნამდვილად არ მგონია ამ ამბავმა ჩაიაროს. ერთადერთი ხელში რაც უკავია ამ ადამიანს – ეს არის ფული. თუ შენი მთავარი ფსონი ფულია, აბსოლუტურად წაგებულ თამაშში შედიხარ,” – აღნიშნა ბაჩო დოლიძემ.
ენმ-ის წევრის, თინა ბოკუჩავას შეფასდებით კი, “სპეკულაციებში შესვლა არის აბსოლუტურად უსაგნო.”