ივანკა ტრამპმა ნიუ-იორკის სასამართლოში ჩვენება მისცა. საქმე ეხება ტრამპების ოჯახის შესაძლო თაღლითობას.
დონალდ ტრამპის ქალიშვილმა განაცხადა, რომ ვერ იხსენებს უძრავი ქონების იმ ხელშეკრულების დეტალებს, რომელზეც მამის კომპანიაში 2011-დან 2017 წლამდე მუშაობდა. ივანკა ტრამპმა სასამართლოზე აღნიშნა, რომ ფინანსურ ანგარიშგებაზე ხელი არ მიუწვდებოდა.
შეგახსენებთ, ამერიკის შეერთებული შტატების ყოფილ პრეზიდენტს საკუთარი ორგანიზაციის ფინანსურ ანგარიშებში უძრავი ქონებისა და ბიზნესაქტივობის ღირებულების ხელოვნურად გაძვირებას ედავებიან.
ივანკა ტრამპი საქმეზე მხოლოდ მოწმედ არის წარდგენილი. თავად დონალდ ტრამპი და მისი ორი ვაჟი კი მოსამართლემ თაღლითობაზე პასუხისმგებლად ცნო.
კომენტარები