გერმანიის პოლიციის განცხადებით, ქალაქ ოფენბურგის ერთ-ერთ სკოლაში მომხდარი სროლის შედეგად 15 წლის მოსწავლე დაიღუპა.
მათივე ცნობით, ეჭვმიტანილი ამავე სკოლის მოსწავლეა, რომელიც პოლიციამ ფართომასშტაბიანი ოპერაციის დროს დააკავა.
როგორც ქალაქის პოლიციასა და პროკურატურაში აღნიშნავენ, მას წინასწარი პატიმრობა განზრახ მკვლელობის ბრალდებით შეეფარდა.
გერმანული მედიის ინფორმაციით, თავდასხმაში ეჭვმიტანილი მე-9 კლასელი მოსწავლეა.
სროლის დროს შენობაში 180 მოსწავლე იმყოფებოდა, რომელთა გამოყვანა პოლიციამ მოახერხა.
გამომძიებლების თქმით, თავდამსხმელი ლანჩის დროს საკლასო ოთახში შევიდა, შიგნით მჯდომ თანაკლასელს მიუახლოვდა და ცეცხლსასროლი იარაღიდან ცეცხლი გაუხსნა. დაზარალებული ჭრილობის შედეგად საავადმყოფოში მოგვიანებით გარდაიცვალა.
პოლიცია და პროკურორები მიიჩნევენ, რომ ეჭვმიტანილი მარტო მოქმედებდა.