პრემიერ-მინისტრმა, გიორგი კვირიკაშვილმა სოფელ ხურჩაში მოკლული გიგა ოთხოზორიას ოჯახს მიუსამძიმრა. პრემიერ-მინისტრთან ერთად, ზუგდიდში, ოთხოზორიას ოჯახში იმყოფებოდნენ: ვიცე-პრემიერი კახა კალაძე, პრემიერის წარმომადგენელი რუსეთთან ურთიერთობის საკითხებში ზურაბ აბაშიძე, სუს-ის უფროსი ვახტანგ გომელაური. მათ ზუგდიდი უკვე დატოვეს, თუმცა მედიასთან კომენტარი არ გაუკეთეიბათ.
შეგახსენებთ, რომ 19 მაისს ზუგდიდის რაიონის სოფელ ხურჩაში, საოკუპაციო ხაზის მიმდებარედ, საქართველოს მიერ კონტროლირებად ტერიტორიაზე, ოთხმა შეიარაღებულმა პირმა, ცეცხლსასროლი იარაღით სასიკვდილოდ დაჭრა გალის რაიონის სოფელ ბარღების მკვიდრი გიგა ოთხოზორია, რომელიც მოგვიანებით ზუგდიდის ჰოსპიტალში გარდაიცვალა.
კომენტარები