დავით სერგეენკოს პარლამენტის წევრის უფლებამოსილება შეუწყდა. ამის შესახებ დადგენილებას კენჭისყრისას საკანონმდებლო ორგანოში 78 დეპუტატმა დაუჭირა მხარი, 2-მა კი ხმა წინააღმდეგ მისცა.
უფლებამოსილების ვადამდე შეწყვეტის შესახებ დავით სერგეენკომ პარლამენტის თავმჯდომარეს 2023 წლის 27 ოქტომბერს მიმართა. მისი წერილობითი განცხადების ნამდვილობაზე დღეს დილით საპროცედურო საკითხთა და წესების კომიტეტმა იმსჯელა და დადებითი დასკვნა ბიუროს გადაუგზავნა, რის შემდეგაც საკითხი დღის წესრიგში შეიტანეს და პლენარულ სესიაზე განხილვის შემდეგ კენჭი უყარეს და მხარი დაუჭირეს.
„მადლობას ვუხდით ბატონ დავითს პარლამენტში გაწეული საქმიანობისთვის და ვუსურვებთ წარმატებას მის შემდგომ საქმიანობაში“, – განაცხადა პარლამენტის თავმჯდომარე შალვა პაპუაშვილმა.
კომენტარები