საქართველოს ნაკრებმა ევრო 2024-ის შესარჩევი ეტაპის ჯგუფური ეტაპის ბოლო საშინაო შეხვედრა შოტლანდიასთან გამართა და ფრედ, 2:2 ითამაშა.
თამაში დაძაბული გამოდგა, უპირატესობის მოპოვებას ორივე გუნდი ცდილობდა. პირველად კარში მე-14 წუთზე გიორგი ჩაკვეტაძემ დაარტყა, მაგრამ შოტლანდიელების მეკარე ბურთს იოლად დაეუფლა.
ერთ წუთში საქართველოს ნაკრების წამოწყებული შეტევა გოლით დასრულდა. ჩაკვეტაძემ მარჯვენა ფლანგზე ოთარ კაკაბაძე მონახა, რომელმაც საჯარიმოში გამჭოლი გადაცემა გააკეთა, იქ კი ხვიჩა კვარაცხელიამ მცველს დაასწრო, ვარდნაში დაარტყა და ლამაზი გოლით ანგარიში გახსნა 1:0. გოლი ყველამ ერთად ზურიკო დავითაშვილის ახალდაბადებულ შვილს, დათის მიუღძვნა.
25-ე წუთზე საქართველოს ნაკრებმა ორი რეალური მომენტი შექმნა, მაგრამ ლევან შენგელიას ახლოდან დარტყმული მეკარემ მოიგერია, გიორგი მიქაუტაძეს კი მცველი გადაეფარა და გუნდი გადაარჩინა.
მეორე ნახევარის დასაწყისში შოტლანდიის ნაკრებმა პირველივე შემთხვევაში ქართველი მცველების მოდუნებით ისარგებლა და სკოტ მაკტომინეიმ ანგარიში გაათანაბრა – 1:1.