ყოფილი პრეზიდენტის, მიხეილ სააკაშვილის მიერ შეწყალების მოთხოვნას მმართველი გუნდში ეხმაურებიან. როგორც პარლამენტის თავმჯდომარის პირველი მოადგილე, გია ვოლსკი აცხადებს, იმ შემთხვევაში, თუ ზურაბიშვილი ამ ნაბიჯს გადადგამს, ეს ქვეყანას არეულობას მოუტანს.
“ეს, რასაკვირველია, სერიოზულ შედეგს გამოიწვევს, მათ შორის, სალომე ზურაბიშვილისთვის და არ მგონია, რომ იგი ამ ნაბიჯზე წავიდეს. ეს იქნება ის ნაბიჯი, თუ მან ეს გადადგა, რომელიც საბოლოოდ დაუპირისპირებს მას საზოგადოების ძალიან დიდ ნაწილს, რომლის კისერზეც გადაიარა იმ დესპოტურმა მმართველობამ, რომელიც არსებობდა საქართველოში სააკაშვილის მმართველობის პერიოდში”, – აცხადებს ვოლსკი.
კომენტარები