მზად ვართ ჩვენ და ქართველი ხალხი, რომ ამ ხელმოცარულებს [რადიკალური ოპოზიცია] დავუპირისპიროთ სიმართლე, საქმის კეთება და შედეგი, – ამის შესახებ რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილე, ირაკლი ზარქუამ განაცხადა.
მისი თქმით, წინასაარჩევნო პერიოდში რადიკალური ოპოზიციისგან იქნება სიცრუის ტირაჟირება, დაბრალება, შეკვეთილი სტატიები.
„ჩვენ გვაქვს ამის მოლოდინი, რაც აქამდე იყო და რაც ვნახეთ, გაათმაგებულად იქნება. არჩევნები გვიახლოვდება, კარს არის მომდგარი, რამდენიმე თვეა დარჩენილი და ბუნებრივია, ეს გაათმაგებული იქნება. მათ შორის, იქნება სიცრუის ტირაჟირება, დაბრალება, შეკვეთილი სტატიები და შეკვეთილი სიუჟეტები. ეს ჩვენ ხომ ვნახეთ, გავლილი გვაქვს. ასე რომ, მზად ვართ ჩვენ და ქართველი ხალხი, რომ ამ ხელმოცარულებს დავუპირისპიროთ სიმართლე, საქმის კეთება და შედეგი“, – აღნიშნა ირაკლი ზარქუამ.