უკრაინის პრეზიდენტმა, ვოლოდიმირ ზელენსკიმ ქვეყნის უმაღლეს რადაში ორმაგი მოქალაქეობის მინიჭების შესახებ კანონპროექტი შეიტანა.
ამის შესახებ მან უკრაინის ერთიანობის დღის 105 წლისთავთან დაკავშირებით მოქალაქეებისადმი მილოცვაში განაცხადა.
„დღეს უკრაინის უმაღლეს რადას წარვუდგენ საკვანძო კანონპროექტს, რომელიც საშუალებას მისცემს კანონმდებლობაში ყოვლისმომცველი ცვლილებების შეტანას და ორმაგი მოქალაქეობის ინსტიტუტის შემოღებას“, – ხაზგასმით აღნიშნა ზელენსკიმ.
მან თქვა, რომ ცვლილება საშუალებას მისცემს “ყველა ეთნიკურ უკრაინელს და მათ შთამომავლებს მსოფლიოს სხვადასხვა ქვეყნიდან, ჰქონდეთ ჩვენი მოქალაქეობა, გარდა აგრესორი ქვეყნის მოქალაქეებისა”.
„ყველა, ვინც ემიგრაციის სხვადასხვა ტალღის პერიოდში იძულებული გახდა დაეტოვებინა მშობლიური მიწა, და აღმოჩნდა ევროპაში, აშშ-ში, კანადაში, აზიის ქვეყნებში, ლათინურ ამერიკაში. ყველა, ვინც მშობლიური ქვეყნიდან ასობით და ათასობით კილომეტრის დაშორების მიუხედავად გვეხმარება”,- თქვა მან.
გარდა ამისა, მან გაიხსენა უცხოელი მოხალისეები, რომლებიც უკრაინის დასაცავად დადგნენ.
“ყველა, ვინც იბრძვის უკრაინის თავისუფლებისთვის, როგორც მშობლიური სამშობლოსთვის. და უკრაინა მათთვის ასეთი გახდება. ყველასთვის, ვინც გრძნობს, რომ უკრაინაში ყოფნა ნიშნავს სახლში ყოფნას. არა ტურისტებივით, არამედ მოქალაქესავით. უკრაინა, რომლის თავისუფლებისთვისაც ჩვენ ვიბრძვით. ჩვენ ვიბრძვით უკრაინელების უფლებისთვის. და შესაბამისი გადაწყვეტილება არის ასეთი თავისუფლების ერთ-ერთი ელემენტი, ასეთი უფლების რეალიზაციის ერთ-ერთი შესაძლებლობა,“ – თქვა ზელენსკიმ.
აღსანიშნავია, რომ რუსეთის წინააღმდეგ უკრაინაში, სხვა ქვეყნის მოქალაქეებთან ერთად, საქართველოს მოქალაქეებიც იბრძვიან.