ყოველწლიურად ხდება ანტიკორუფციული ბიუროს მხრიდან გადაწყვეტილების მიღება, რომ თანამდებობის პირების დეკლარაციები გადამოწმდეს, – ამის შესახებ პარლამენტის იურიდიულ საკითხთა კომიტეტის თავმჯდომარის პირველმა მოადგილემ, საპარლამენტო უმრავლესობის წევრმა, დავით მათიკაშვილმა „ქრონიკაში“ განაცხადა.
„ამ გადასამოწმებელ სიაში ხვდება ნებისმიერი ის პირი, ვისზედაც გადაწყვეტილება მიღებული იქნება ანტიკორუფციული სამსახურის მიერ. ეს წლევანდელი სიახლე არ არის. ახლა გეტყვით რატომ ცდილობს ოპოზიცია არაფრისგან სკანდალი შექმნას. ეს არის 12 იანვრის გადაწყვეტილება და ამ გადაწყვეტილებაზე აპელირება ნაცმოძრაობის გამხმოვანებელიტელევიზიების მხრიდან რა თქმა უნდა არ მომხდარა. მოხდა ამ ინფორმაციის შეკავება. ახლა, ოპოზიციამ მსოფლიო ბანკის კვლევის შედეგების გადაფარვა მოინდომა და ამ მიზნით შემოაგდეს თემა“, – აღნიშნა დავით მათიკაშვილმა.
მისი თქმით ოპოზიციას აწუხებს ყველაფერი, რაც ქვეყნის წარმატებასა და წინსვლას ეხება.
„როგორც კი ჩნდება პოზიტიური ნიუსი ქვეყნის წინსვლის, ავტომატურად ირთვება რადიკალური ოპოზიციის მხრიდან მექანიზმები, რომ რაიმე ფორმით საზოგადოებას მიაწოდონ „სკანდალური“ ინფორმაცია ისე, რომ პოზიტიუტი გადაფარონ“, – აღნიშნა დავით მათკაშვილმა.
სააგენტო კვირას ინფორმაციით, „ნაციონალურ მოძრაობას” თავისმა ლობისტებმა ამერიკელი პიარ კონსულტანტი ჯერემი როზნერი მიამაგრეს. სააგენტო კვირას ცნობით, მას შემდეგ, რაც ცნობილი გახდა, რომ ქვეყნდებოდა მსოფლიო ბანკის კვლევა, რომელშიც კორუფციასთან ბრძოლაში საქართველოს პროგრესი აქვს, როზნერის დავალებით, ოპოზიციურ არხებს, კვლევის გამოქვეყნებისთანავე, ანტიკორუფციული ბიუროს გადაწყვეტილების თემა უნდა გაეაქტიურებიათ, რომელიც 300 თანამდებობის პირის შეეხებოდა.