რუსეთის მოთხოვნით, უკრაინის საკითხზე, გაეროს უშიშროების საბჭოს სხდომა გაიმართა. სხდომას რუსეთის საგარეო საქმეთა მინისტრი სერგეი ლავროვი ესწრებოდა, რომელმაც აღნიშნა, რომ შეერთებული შტატების მიერ უკრაინისთვის გამოყოფილი სამხედრო ბიუჯეტის მნიშვნელოვანი ნაწილი, აშშ-ისთვის სამხედრო ინდუსტრიის გასაძლიერებლად გამოიყენება.
„სამხედრო ბიუჯეტის 90%, რომელსაც აშშ კიევის რეჟიმისთვის გამოყოფს, შეერთებულ შტატებში რჩება და ამ ქვეყნის სამხედრო ინდუსტრიის განვითარებისთვის და შეიარაღების განახლებისთვის გამოიყენება. უკრაინაში უძველეს ნაგავს იყენებენ“, – განაცხადა ლავროვმა.
ლავროვის ამ განცხადებას, გაეროში შეერთებული შტატების წარმომადგენელი გამოეხმაურა და მას „შეთქმულების თეორია და უსაფუძვლო ბრალდებები“ უწოდა. სხდომაზე სიტყვით გამოვიდა უკრაინის წარმომადგენელიც და რუსეთს უკრაინის საერთაშორისოდ აღიარებული საზღვრებიდან, ჯარების გაყვანისკენ მოუწოდა.