ყოფილი თანაგუნდელი პარლამენტის წევრს, ანა წითლიძეს, სიტყვიერი ბრალდებების გამო უჩივის.
გელა შედანიამ, რომელიც „ნაციონალური მოძრაობის“ აქტივისტი იყო და ახლა ნიკა მელიას მხარდამჭერია ზუგდიდის სამმართველოს სარჩელით მიმართა. საქმე წითლიძის მიერ 18 იანვარს გამოქვეყნებულ პოსტს ეხება.
„ყველამ კარგად წავიკითხეთ, თუ რა შეურაცხმყოფელი კომენტარები დამიწერა ქალბატონმა წითლიძემ, რომელმაც ცილი დამწამა, ვითომ მე ვარ რაღაცების ქურდი. ჰქონდა მას ნიღაბი და ეს ნიღაბი თავისი ხელით მოიხსნა და გვერდზე გადადო და სრულიად გაშიშვლებული დგას ახლა საზოგადოების წინაშე“, – აცხადებს შედანია.
წითლიძეს ყოფილი თანაგუნდელები ბოლო პერიოდში ღიად უპირისპირდებიან. მათ შორისაა მაია კუკავა, რომელმაც განაცხადა, რომ დეპუტატმა მას თანამდებობა პოლიტიკური ნიშნით დაატოვებინა.
კომენტარები