მინდა მადლობა გადავუხადო საქართველოს სახელმწიფოს, იუსტიციას, რომ შეუძლებელი გახადეს შესაძლებელი და მომეცა იმის შანსი, რომ შემენარჩუნებინა ორივე ქვეყნის მოქალაქეობა, – ამის შესახებ UFC-ის პირველმა ქართველმა ჩემპიონმა, ილია თოფურიამ „იმედის დღესთან“ ექსკლუზიურ ინტერვიუში განაცხადა.
„როცა ესპანეთის მოქალაქეობა მივიღე, ასეთი შეთანხმება არ აქვს საქართველოს სახელმწიფოს ესპანეთთან, რომ ორმაგი მოქალაქეობის ქონების უფლება გქონდეს. ამისთვის მინდა მადლობა გადავუხადო საქართველოს სახელმწიფოს, იუსტიციას, რომ შეუძლებელი გახადეს შესაძლებელი და მომეცა იმის შანსი, რომ შემენარჩუნებინა ორივე ქვეყნის მოქალაქეობა. ჩემთვის რა თქმა უნდა, მნიშვნელოვანია ის, რომ შევინარჩუნო საქართველოს მოქალაქეობაც“, – აღნიშნა თოფურიამ.
ილია თოფურიასთან ვრცელ ინტერვიუს იხილავთ კვირას, „იმედის კვირაში“.
UFC-ის პირველი ქართველი ჩემპიონი ილია თოფურია, რომელიც საქართველოში პრემიერ-მინისტრის მოწვევით ჩამოვიდა, დღეს საქართველო-ლუქსემბურგის მატჩის წინ გულშემატკივრებს საჩემპიონო ქამარს წარუდგენს.
მატჩი „დინამო არენაზე“ დღეს საღამოს 21:00 საათზე დაიწყება.
27 წლის მებრძოლი ქვეყანაში ერთი კვირის განმავლობაში დარჩება და რამდენიმე ღონისძიებაში მიიღებს მონაწილეობას.
საქართველოს პრემიერ-მინისტრმა ირაკლი კობახიძემ და პარლამენტის თავმჯდომარემ შალვა პაპუაშვილმა ილია თოფურია ღირსების ორდენზე წარადგინეს.