პოლიტიკა მესამე სექტორში და გაუმჭვირვალე ფინანსები – პრობლემა, რომელზეც ხელისუფლება აქტიურად საუბრობს, კიდევ ერთხელ ნოდარ ხარშილაძემ დაადასტურა.
„ოპოზიციის ასეთი დაქუცმაცება არის შანსი, რომ ბიძინა ივანიშვილი გადარჩეს“, – ბაჩო ახალაიას მოადგილის ეს გზავნილი მმართველი გუნდისთვის მუქარის შემცველია. „ქრონიკა“ არკვევდა, ვინ აფინანსებს ნოდარ ხარშილაძის „სტრატეგიული ანალიზის ცენტრს“.
როგორც ირკვევა, ხარშილაძის ორგანიზაციის პარტნიორებს შორის არიან აშშ-ის, პოლონეთის, ნიდერლანდების საელჩოები. ნატოს სამეკავშირეო ოფისი, თურქეთის კოორდინაციისა და თანამშრომლობის სააგენტო, დანიის სპორტის სწავლებათა ინსტიტუტი და ასევე ფონდი „დემოკრატიის მხარდამჭერი თავისუფალი კომპანია“. „ქრონიკა“ შეეცადა დონორებს დაჰკავშირებოდა და გაერკვია, აპირებდნენ თუ არა ხარშილაძის მუქარაზე რეაგირებას, თუმცა უშედეგოდ. ისინი დუმან.