„როსგვარდიამ“ „კროკუს სითი ჰოლთან“ არსებული პარკინგის შემოწმება დაასრულა. უწყების ცნობით, პარკინგზე ასაფეთქებელი ნივთიერებები ან მოწყობილობები არ აღმოჩნდა.
„როსგვარდიის“ თანამშრომლები საკონცერტო დარბაზის მიმდებარე ტერიტორიის შემოწმებას განაგრძობენ.
მოსკოვის ოლქის ქალაქ კრასნოგორსკში „კროკუს სითი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. თვითმხილველის განცხადებით, ინციდენტი ჯგუფ „პიკნიკის“ კონცერტის დაწყებამდე მოხდა – დარბაზის პარტერში სულ მცირე სამი შეიარაღებული პირი შეიჭრა და ავტომატებიდან ცეცხლი გახსნა. არსებული ინფორმაციით, თავდამსხმელებმა ასევე ააფეთქეს ხელყუმბარა, რის გამოც ხანძარი გაჩნდა. რუსეთის უსაფრთხოების ფედერალური სამსახურის (ეფესბე) ინფორმაციით, სავარაუდოდ, დაღუპულთა რაოდენობა 40-ს, დაშავებულთა რიცხვი კი 100-ს აღემატება.