მარი ჩიტაია სოციალურ ქსელში პოსტს აქვეყნებს.
”არც კი მახსოვს, როდის აიღო პირველად იარაღი, როგორ იქცა მეომრად!.. 😢
ღიმილიანი პატარა ბიჭი მახსოვს, ცელქი და ონავარი ტყუპისცალთან ერთად, ჩემი სოფლის – ოტობაიის მკვიდრი, ჩემი დის კლასელი და მეგობარი – თენგიზ ჭანია!..💔
ასაკით ძალიან ახალგაზრდა, ჯერ კიდევ ყმაწვილი ჩაება ბრძოლებში, რათა სამშობლო ოკუპანტებისგან დაეცვა! მერე იყოს ეროვნული გვარდია, ისევ საბრძოლო შენაერთები, 8 აგვისტო… ისევ მზადყოფნა, სამხედრო სტატუსები, წარმატებები და მერე უკვე სხვის ომში საკუთარი სამშობლოს დასაცავად წასვლა… იქ, სადაც მტერი საერთო ეგულებოდა!
თენგიზ ჭანიას არჩევანი მტკიცე იყო… აბა, სხვას ვის ან როგორ უნდა შეძლებოდა, რომ ორჯერ დაჭრილიყო ომში და ორჯერვე დაბრუნებოდა საბრძოლო პოზიციებს!
ჩვენი გმირი ბიჭი!
ყოველთვის დაუდგრომელი, რაღაცნაირი ძალით სავსე – სიმტკიცეც რომ ახლავს, მოკრძალებაც, შინაგანი სისუფთავე, სიკეთე!…
როგორი მეგობრობა იცოდა, ამას ის ადამიანები მოჰყვებიან უკეთ, ვისთანაც იბრძოლა, იმეგობრა…
– ძმა დავკარგეთ! – ამ პოსტით ემშვიდობებოდა თენგო უკრაინიდან ოკუპანტების წინააღმდეგ ბრძოლაში დაღუპულ ქართველებს… ცოტანი არ ყოფილან ჩვენი პატარა სამშობლოსთვის… 61 გმირი ქართველის სიკვდილი უკრაინაში!
რთული გზა გამოიარა თენგომ ამ ომში, რამაც ვერ შეაგუა რეალობას და ვერ შეაჩერა, სანამ არ დადგა მძიმე და გარდაუვალი ბედისწერა:
ჩემი სოფლისთვის, კლასელებისა და მეგობარ-ახლობლებისთვის უმძიმესი ინფორმაცია, რომ უკრაინაში კიდევ ერთი ქართველი მებრძოლი თენგო ჭანია დაიღუპა, რიგით 62-ე ქართველი უკრაინის მიწაზე, საერთო მტერთან ბრძოლაში”!💔😢❤💔
არადა, როგორი გმირი!
არც კი მახსოვს, როდის აიღო პირველად იარაღი…”
