რაიმე მონაცემი „ენჯეოს“ დაფინანსებასთან დაკავშირებით, ვინმემ იცით? ჩვენი ოპონენტებისგან და ენჯეო სექტორის წარმომადგენლებისგან დაპირება გვქონდა, რომ კიდევ უფრო გამჭვირვალე იქნებოდა, – ამის შესახებ „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ ჟურნალისტებთან განაცხადა.
მდინარაძე არასამთავრობო სექტორს მოუწოდებს, მათი ფინანსები მეტად გამჭვირვალე გახადონ.
„ვიცით, მხოლოდ პოზიტიური ნაწილი, რაც კარგ საქმეს ხმარდება და ეს მშვენივრად პიარდება. მაგალითად როცა ფერმერებს ეხმარებიან ან ტრენინგებს ატარებენ ადამიანის უფლებების დაცვის კუთხით და დიდი მადლობა ჩვენს პარტნიორებს ამისთვის, რომ ამ მიმართულებით სერიოზული დაფინანსება მიდის. მაგრამ უფრო დიდი ნაწილი, აბსოლუტურად გაუმჭვირვალეა და წარმოდგენა არ აქვს საქართველოს მოქალაქეს თავისი პარტნიორი და მეგობარი ქვეყნის ფინანსები რაში იხარჯება. ჩვენ ამ ფინანსები გამჭვირვალობა გვაინტერესებს. არ გინდათ კანონი? დაარქვით ამერიკულს რუსული და დაგიჯერათ კიდეც საზოგადოების რაღაც ნაწილმა ხომ? – თავად გამოდით და დადეთ, რაში იხარჯება ეს ფული. როდესაც მეგობარი ქვეყნებიდან დაფინანსებაზე არაფერი ვიცით, უფრო მეტად არაფერი შეიძლება ვიცოდეთ სხვა ქვეყნებიდან დაფინანსებაზე. შესაბამისად, ეს პრევენცია მაშინ მოხდება, როდესაც ჩვენი მეგობარი ქვეყნებიდან დაფინანსებაც გამჭვირვალე იქნება და სხვა ნებისმიერი ქვეყნიდანაც. „ენჯეო“ სექტორს მივმართავ, განსაკუთრებით მდიდარ ენჯეოებს, რომლებიც ხანდახან „ნაცებზე“ მეტი რადიკალიზმით გამოირჩევიან – ამ ყველაფერში, რასაც აკეთებთ ფული იხარჯება თუ თქვენი ენთუზიაზმით აკეთებთ? ის რომ ლგბტ პროპაგანდის წინააღმდეგ მომზადებული კანონპროექტის წინააღმდეგ უნდა გაილაშქროთ, ტრენინგები რომ ჩატარდა და თვითონ ტრენინგების ჩამტარებლები რომ ამბობდნენ, რომ რუსულ დეზინფორმაციაზე იყო ტრენინგი, დამფინანსებელი ამბობდა, რომ უფლებებზე იყოო, ჩვენ კი მესამე და სწორი ინფორმაცია რომ ვიცით, რომ იყო ლგბტ პროპაგანდის წინააღმდეგ მიმართულ კანონზე, სიმართლე სად არის? – გასაჯაროვდეს. რამდენიმე ათეული მილიონი დოლარი სად იხარჯება არ უნდა ვიცოდეთ?“, – განაცხადა მდინარაძემ