ეს პროცედურა საერთაშორისო სტანდარტს არ აკმაყოფილებს, ეწინააღმდეგება ჩვენს კონსტიტუციას და, ელემენტარულად, მოსამართლეთა ღირსების დამამცირებელია, – ამის შესახებ დიმიტრი გვრიტიშვილმა „ვეტინგზე“ საუბრისას განაცხადა.
იუსტიციის უმაღლესი საბჭოს მოსამართლე წევრმა ჟურნალისტებთან საუბრისას აღნიშნა, რომ უკრაინისა და ალბანეთის შემთხვევაში, ევროკომისიის ანგარიშებშიც აღნიშნული იყო, რომ კორუფცია სასამართლოებში იყო ყოვლისმომცველი და „ვეტინგი“ კანონმდებლობის დონეზე სწორედ ამიტომ იყო დაშვებული. მისივე თქმით, საქართველოსთან მიმართებაში ასეთი მონაცემები არ არის დადებული.
„თუ რაიმე „რეკომენდაცია“ არის დაუსაბუთებელი და თან გეუბნებიან, რომ თუ ამ რეკომენდაციას არ შეასრულებ, ესე იგი მომავალში რაღაც ჩაგეკეტება, ეს დირექტივას ემსგავსება“, – განაცხადა გვრიტიშვილმა.
კომენტარები