დავით დვალი – ჩემთვის აქ კომპრომისი არ არსებობს

„მე ცენზორად „რუსთავი 2“-ზე არ დავბრუნდები“, – ამის შესახებ ტელეკომპანია „რუსთავი 2“-ის ერთ-ერთმა დამფუძნებელმა, დავით დვალმა საზოგადოებრივი მაუწყებლის გადაცემა „რეალურ სივრცეში“ განაცხადა.
მისივე განმარტებით, იგი არ დაუშვებს, რომ „რუსთავი 2“-ზე ცენზურა იყოს და თუ ამისგან დაცვის მექანიზმი მას არ ექნება, ჩათვლის, რომ ტელეკომპანია ისევ მითვისებულია.
„არც ერთ ვარიანტში მე არ დავუშვებ, რომ „რუსთავი 2“-ზე ცენზურა იყოს. თუ რაიმე შანსი, თეორიული მაინც, შეიძლება იყოს იმისი, რომ რაღაც კონფიგურაცია ისე დაჯდეს, რომ ამის კონტროლი და დაცვის მექანიზმი მე არ მექნება, ვაცხადებ, რომ მე არ მაინტერესებს ასეთ „რუსთავი 2“-ში წილის დაბრუნება, ჩავთვლი, რომ „რუსთავი 2“ ისევ მითვისებულია, ისევ თავიდან, ვიღაცის მიერ და გავაგრძელებ ბრძოლას ბოლომდე. ჩემთვის აქ კომპრომისი არ არსებობს“, – განაცხადა დვალმა.