მარგველაშვილი ირაკლი კობახიძეს პასუხობს

საქართველოს პრეზიდენტმა გიორგი მარგველაშვილმა განაცხადა, რომ კოსტიტუცია არც ერთი პიროვნების განცხადების, და მით უმეტეს, არც ერთი პიროვნების განცხადების ტონის მიხედვით არ იწერება.
ამის შესახებ საქართველოს პრეზიდენტმა ტელეკომპანია იმედის გადაცემა „იმედის დროში“ დღეს განაცხადა.
„თქვენ წარმოგიდგენიათ, კონსტიტუციის წერა ერთ რომელიმე პიროვნებაზე მორგებით? ანუ, მე თუ კარგ კომენტარს გავაკეთებ, ერთი კონსტიტუცია იქნება, თუ არასწორი კომენტარი გამომივა – მეორე კონსტიტუცია ექნება ქვეყანას“, – განაცხადა მარგველაშვილმა.
„კონსტიტუცია იწერება საერთო შეთანხმებით და ამიტომაც ვითხოვდი კომისიის თანათავმჯდომარეები ვყოფილიყავით მე, ირაკლი კობახიძე და გიორგი კვირიკაშვილი. მე ეს იმისთვის მინდოდა, რომ პროცესი ყოფილიყო რაც შეიძლება გახსნილი. კონსტიტუციის ფუნდამენტური ცვლილება აპრიორი გულისხმობს იმას, რომ ამ ცვლილების მონაწილე ვართ ხალხი“, – განაცხადა პრეზიდენტმა.