ვისაუბრეთ რეფორმებზე, რომელიც ხორციელდება საქართველოში როგორც სასამართლოს დამოუკიდებლობის კუთხით, ასევე კანონის უზენაესობის კუთხით, – ამის შესახებ საქართველოს საგარეო საქმეთა მინისტრმა, მიხეილ ჯანელიძემ განაცხადა, რომელიც სტრასბურგში იმყოფება.
შეკითხვაზე, შეეხო თუ არა სასამართლოში გამართული შეხვედრისას საუბარი „რუსთავი 2“-თან დაკავშირებულ საქმეს, ჯანელიძის თქმით, მინისტრი კონკრეტულ საქმეებს არ იხილავს.
”საგარეო საქმეთა მინისტრი და მინისტრი კონკრეტულ საქმეებს არ იხილავს. საუბარი იყო ყველა რეფორმაზე, რომელიც უკავშირდება ქვეყნის განვითარებას და პროგრესს.
ვისაუბრეთ იმ სტატისტიკაზე, რომელიც დადებითია და მცირდება აპლიკაციები საქართველოდან. ეს მიანიშნებს იმ პროგრესზე, რომელიც საქართველოს აქვს ადამიანის უფლებების დაცვის კუთხით. ჩვენ ვისაუბრეთ რეფორმებზე, რომელიც ხორციელდება საქართველოში როგორც სასამართლოს დამოუკიდებლობის კუთხით, ასევე კანონის უზენაესობის კუთხით”, – განაცხადა ჯანელიძემ.